ევროპის ჩემპიონატის საკვალიფიკაციო ეტაპის ფარგლებში საქართველოს ნაკრები მორიგ შეხვედრას გამართავს. ვლადიმერ ვაისის გუნდის მეტოქე ირლანდიის ნაკრები იქნება.
გუნდების ურთიერთშეხვედრების ისტორია ირლანდიელთა სასარგებლოდაა. ჩატარებული ათი შეხვედრიდან, 9-ჯერ გამარჯვება ირლანდიის ნაკრებს დარჩა, ხოლო ერთი შეხვედრა ფრედ დასრულდა.
ირლანდიელები ძალიან კარგ ფორმაში იმყოფებიან, მათ ანგარიშზე 8 მატჩიანი წაუგებელი სერიაა. მიკ მაკარტის გუნდი მოპოვებული 11 ქულით D - ჯგუფში პირველ ადგილს იკავებს.
„დინამო არენა“ საქართველო-ირლანდიის ნაკრებებს შორის გასამართ მატჩთან დაკავშირებით, 16:00 საათიდან მატჩის დასრულებამდე მთლიანად დაიკეტება სტადიონის მიმდებარე ქუჩები, კერძოდ:
გიორგი ცაბაძის და დავით ყიფიანის ქუჩები, ხოლო წინამძღვრიშვილის ქუჩა - ნაწილობრივ;
მარცხენა სანაპიროდან ავტომანქანების მოძრაობა აიკრძალება ცაბაძის ქუჩაზე, შესაბამისად ისინი მოძრაობას გააგრძელებენ პირდაპირ - ვახუშტის ხიდის მიმართულებით;
აკაკის წერეთლის გამზირიდან სტადიონისკენ მოძრავი ავტომანქანები ქუთაისის ქუჩით ისარგებლებენ, საიდანაც მოძრაობის გაგრძელებას შეძლებენ როგორც მარცხენა, ასევე მარჯვენა სანაპიროზე, ხოლო ვახუშტის ხიდიდან გადმომსვლელი ავტომანქანები იმოძრავებენ მხოლოდ დიდუბის მეტროს მიმართულებით;
აღნიშნულ ქუჩებზე ავტომანქანების გადაადგილებას საპატრულო პოლიციის თანამშრომლები დაარეგულირებენ.
დახურვა